सामाजिक सञ्जालबाट एक हप्ता टाढा बस्दा मानसिक स्वास्थ्यमा सुधार

इन्स्टाग्राम, फेसबुक, स्न्यापच्याट, ट्वीटर, रेडिट, लिन्किड लगायतका सामाजिक सञ्जाल आज विश्वका धेरैजसो व्यक्तिहरूले प्रयोग गरिरहेका छन् । जसका कारण उनीहरू तनाव, चिन्ता र डिप्रेसनजस्ता मानसिक रोगको शिकार भइरहेका छन् । यी रोगहरूबाट बच्न स्वास्थ्य विशेषज्ञहरूले ‘डिजिटल डिटक्स’को अवधारणाको खोजी गरिरहेका छन् ।

हालै बेलायतको बाथ युनिभर्सिटीका अनुसन्धानकर्ताहरूले एक अनुसन्धानमा सामाजिक सञ्जालबाट एक हप्ता टाढा बस्दा मानसिक स्वास्थ्यमा सुधार ल्याउन सक्ने बताएका छन् । अर्थात्, यदि तपाई डिप्रेसन र एन्जाइटीका लक्षणहरूसँग संघर्ष गर्दै हुनुहुन्छ भने, त्यसलाई एक हप्तामा कम गर्न सकिन्छ ।