विराटनगरमा डेंगी फैलिन नदिन महानगरको अभियान 

विराटनगर । विराटनगर महानगरपालिकाले डेंगी नियन्त्रण तथा रोकथामका लागि १९ वटै वडामा डेंगी रोग सार्ने लार्भा नष्ट गर्ने अभियान सुरु गरेको छ ।

डेंगी सार्ने लार्भा नियन्त्रण गर्न महानगरले हरेक वडामा अभिमुखीकरण कार्यक्रम सञ्चालन गरेको छ । साथै, 'खोज र नष्ट गर' अभियान सञ्चालन गरिएको महानगरले जनाएको छ । अभियानमा जनप्रतिनिधि, स्वास्थ्यकर्मी, स्वास्थ्य स्वयंसेविकासहित सरोकारवाला सहभागी छन् ।