एक्लो व्यक्तिले साइबर ब्युरो अगाडि किन गरे प्रदर्शन ?

काठमाडौँ । अनलाइन माध्यमबाट हुने ठगीलाई रोक्न कडा कानुन बनाउनुपर्ने र तथ्यमा आधारित अनुसन्धान गर्नुपर्ने भन्दै एक युवाले काठमाडौँको भोटाहिटीस्थित साइबर ब्युरो अगाडि प्लेकार्ड प्रदर्शन गरेका छन् ।

पछिल्ला केही समययता सामाजिक सञ्जालमा शङ्कास्पद अनलाइन आम्दानी तथा लगानीसम्बन्धी सामग्री आक्रामक रूपमा प्रचार भइरहेको र यसबाट हुने सम्भावित जोखिमप्रति सचेतना बढाउन र डिजिटल माध्यमबाट हुने ठगीलाई रोक्न कडा कानुन बनाउनुपर्ने भन्दै नागरिक अभियन्ता आरब्ध तिमिल्सिनाले सोमबार साइबर ब्युरो अगाडि प्लेकार्ड प्रदर्शन गरेका हुन् ।