उर्लाबारीमा लिम्बू समुदायको चासोक तङ्नामको तयारी

लिम्बू समुदायको महान चाड चासोक तङनाम (उधौली पर्व) को अवसरमा मोरंङको उर्लाबारी ९ आम्बारीमा सांस्कृतिक कार्यक्रमको तयारी थालिएको छ । किरात याक्थुङ चुम्लुङ उर्लाबारीको आयोजनामा मङ्सिर २२ देिख २४ गतेसम्म भव्यरुपमा चासोक तङनाम मनाउने तयारी गरिएको हो ।

विहान ७ बजेदेखि साँझसम्म विभिन्न कार्यक्रमसहित चासोकलाई उत्सवका साथ मनाइने तयारी गरिएको किरात याक्थुङ चुम्लुङ उर्लाबारीका अध्यक्ष बानु सुब्बाले बताए । उनका अनुसार यस वर्ष पनि विगतमाजस्तै न्वागी पूजा, प्रसाद वितरणसहित लोक संस्कृतिमूलक केलाङ च्याब्रुङ नाच, येवा लाङ, माङलाक प्रदर्शनी, धाननाचको प्रदर्शनी, लिम्बु नृत्य प्रस्तुत हुनेछन् ।