अध्यागमनका पूर्व प्रमुखसहित ७ जनामाथि घुसकाण्ड र ‘मनी लाउन्डरिङ’ मुद्दा

अख्तियार दुरुपयोग अनुसन्धान आयोगले अध्यागमन कार्यालय, त्रिभुवन अन्तर्राष्ट्रिय विमानस्थलका तत्कालीन प्रमुख अध्यागमन अधिकृत तिर्थ राज भट्टराईसहित ७ जनामाथि घुस लिई–दिई भ्रष्टाचार गरेको अभियोगमा विशेष अदालत काठमाडौंमा आरोपपत्र दायर गरेको छ।

अख्तियारले सार्वजनिक गरेको विवरणअनुसार भट्टराईले २०८१ असोज २३ गतेदेखि २०८२ जेठ ७ गतेसम्म प्रमुख अध्यागमन अधिकृतको रूपमा कार्यरत रहँदा भिजिट भिसामा विदेशी रोजगारी वा भ्रमणका रूपमा नेपाली नागरिकलाई विदेश पठाउन विभिन्न एजेन्टसँग मिलेमतो गरी घुस रकम लिएको दाबी गरिएको छ।