मध्यपूर्वमा फेरि तनाव : दुई महिनापछि इरानले इजरायलमा क्षेप्यास्त्र प्रहार गर्‍यो

दुई महिनाको अस्थिर युद्धविरामपछि मध्यपूर्व क्षेत्र फेरि तनावपूर्ण बनेको छ।

इरानले स्थानीय समय अनुसार आइतबार राति करिब १० बजेतिर इजरायलको उत्तरी क्षेत्रलाई लक्षित गरी करिब १० वटा ब्यालिस्टिक क्षेप्यास्त्र प्रहार गरेपछि स्थिति तनावपूर्ण बनेको हो। लेबनानको राजधानी बेरुतको दक्षिणी उपनगर (दाहिया) मा इजरायलले गरेको आक्रमणको बदला लिन यो कदम चालिएको इरानले बताएको छ। इजरायलको उक्त आक्रमणमा दुई जनाको मृत्यु भएको थियो भने बालबालिकासहित २० जना घाइते भएका थिए।