बुधबारको रास्वपा केन्द्रीय समिति बैठक तनावपूर्ण, ५२ मध्ये दुई केन्द्रीय सदस्य उभिए महामन्त्री ढकालको पक्षमा

राष्ट्रिय स्वतन्त्र पार्टी (रास्वपा) को बुधबार बिहानैदेखि पार्टी कार्यालयमा बसेको केन्द्रीय समिति बैठक तनावपूर्ण रह्यो।

महामन्त्री डा. मुकुल ढकालले पार्टी सभापति रवि लामिछानेलाई बुझाएको प्रतिवेदनमाथि छलफल गर्ने गरी आजको बैठक बोलाइएको थियो।बैठकमा सहभागी हुन पुुगेका महामन्त्री ढकाल फरक तरिकाले प्रस्तुत भए। मुखमा मास्क र त्यसमाथि कालो टेप लगाएर बैठकमा पुगेका उनले सुरुदेखि नै प्रत्यक्ष प्रसारण गर्नुपर्ने माग राखेका थिए।