मुहार फेर्दै नागढुंगा नाका

नेपालको गौरवका आयोजनामा पर्छ, नागढुंगा–सिस्नेखोला सुरुङ मार्ग । यो काठमाडौं नागढुंगामा सधैं हुने ट्राफिक जाम अन्त्यको एक मात्र विकल्प पनि हो । यसले धादिङ र काठमाडौं जोड्दै छ । यस्तो गौरवको आयोजना फत्ते हुन केही दिन मात्र बाँकी छ । टेक्निकल्ली पूरा गरिनुपर्ने जम्मा चार मिटर मात्र बाँकी छ ।

छिट्टै नै ‘ब्रेक थ्रु’ गर्नेगरी निर्माणको काम भइरहेको छ । दैनिक ३ सिफ्टमा काम चलिरहेकाले अब ढिला हुने देखिँदैन । ‘ब्रेक थ्रु’पछि सुरुङलाई फिनिसिङ गर्ने काम सुरु गरिनेछ । यो समय केही लामो नै रहने भएको छ । यातायातका साधन नियमित चलाउन ब्रेक थ्रुपछि पनि १ वर्ष लाग्ने अनुमान छ ।