अर्थमन्त्री वाग्लेले अमेरिकी अर्थमन्त्रीसँग भेटवार्ता गर्ने

काठमाडौं। अर्थमन्त्री स्वर्णिम वाग्ले दुई सदस्यीय प्रतिनिधिमण्डलको नेतृत्व गर्दै शनिबार वासिङ्टन डीसी पुगेका छन्। वासिङ्टनस्थित नेपाली दूतावासका अनुसार अर्थमन्त्री वाग्लेलाई विमानस्थलमा कार्यवाहक राजदूत शरदराज अरन र दूतावासका अधिकारीहरूले स्वागत गरेका थिए।

आफ्नो अमेरिका भ्रमणका क्रममा अर्थमन्त्री वाग्लेले अमेरिकी अर्थमन्त्री स्कट बेसेन्ट र विश्व बैंक समूहका अध्यक्ष अजय बांंगासँग भेटवार्ता गर्ने कार्यक्रम रहेको दूतावासले जनाएको छ।