आनन्दराज खनाल आइटियुको दक्षिण एसिया क्षेत्रीय कार्यालय प्रमुख नियुक्त

काठमाडौं । नेपालका दूरसञ्चार तथा सूचना प्रविधि विज्ञ आनन्दराज खनाल अन्तर्राष्ट्रिय दूरसञ्चार सङ्घ (आइटियु) को दक्षिण एसिया क्षेत्रीय कार्यालय तथा इनोभेसन सेन्टरको प्रमुखमा नियुक्त भएका छन् ।

आइटियुको दूरसञ्चार विकास ब्युरोले गत सेप्टेम्बर २२ मा खनाललाई उक्त जिम्मेवारीका लागि नियुक्त गरेको हो । उनले अक्टोबर १ देखि नयाँदिल्लीस्थित क्षेत्रीय कार्यालयमा पदभार सम्हालेका छन् ।