भुवनको विगत प्रेमकथा

कुनै समय पर्दामा आफूले लोकप्रिय बनाएको प्रेमकथाको समयतिर निर्देशक भुवन केसी फेरि फर्किएका छन्। तर यसपटक पर्दाको केन्द्रमा उनी स्वयं होइनन्, उनका सुपरस्टार छोरा अनमोल केसी छन्। ३० को दशकको सामाजिक परिवेश र त्यतिबेलाको प्रेमलाई कथाको आधार बनाइएको फिल्म बाटुलो जूनको टिजर सार्वजनिक भएसँगै भुवनको निर्देशकीय यात्रामा नयाँ प्रयोग देखिएको छ।

भुवनले यसअघि निर्देशन गरेको फिल्म ड्रिम्समा उत्तरआधुनिक प्रेमकथालाई पर्दामा उतारेका थिए। बाटुलो जूनमा भने उनी त्यसभन्दा धेरै पछाडिको समयमा पुगेका छन्। नेपाली फिल्ममा भुवन केसी स्वयं पर्दामा देखिने यस्तै प्रेमकथाका लोकप्रिय अभिनेता रहेको समयलाई उनले यस फिल्ममार्फत नयाँ पुस्ताका लागि पुनः सिर्जना गर्ने प्रयास गरेका छन्। भुवनका अनुसार बाटुलो जून केवल पुरानो समयको कथा भन्ने फिल्म मात्र होइन, आप्mनै फिल्मी यात्रासँग पनि जोडिएको छ। आफूले अभिनय गरेका दशकअघिका प्रेमकथाको समय र संवेदनालाई सम्झ“दै उनले त्यही समयलाई नया“ पुस्ताका लागि पर्दामा पुनः सिर्जना गर्ने प्रयास गरेका हुन्।