स्रोत नजुट्दा पोखरा महानगरको भवन निर्माणमा अलमल

पोखरा । पोखरा महानगरपालिका पूर्णरुपमा जलेको एक वर्ष पूरा भइसकेको छ । गत भदौ २३ र २४ गतेको जेनजी आन्दोलनको क्रममा आन्दोलनकारीले देशभर विध्वंस मच्चाउँदा पोखरा महानगरपालिकाको भवन पनि जलाइयो ।

पोखराको न्यूरोडस्थित महानगरको भवन जलेपछि अहिले नयाँबजारस्थित राष्ट्रिय वाणिज्य बैंकको भवनमा भाडामा महानगरको प्रशासकीय काम चलिरहेको छ । मासिक ७ लाख ५४ हजार रुपैयाँ भाडामा चलिरहेको महानगरपालिकाले आफ्नै भवन बनाउने सुरसार भने देखाएको छैन । ३ वर्षका लागि सम्झौता गरी महानगरले नयाँबजारबाट सेवा दिइरहँदा पोखरा–१७, बिरौटामा निर्माण गरिने भनिएको भवनको समेत अझै टुंगो लाग्न सकेको छैन ।