पर्दामा परिपक्व भूमिका निभाउन खोज्ने रेनु

काठमाडौँ । अभिनेत्री रेनुनाथ योगी यतिबेला दंग छिन् । यसको कारण हो हालै प्रदर्शनमा आएको फिल्म ‘रोल नम्बर १’ । फिल्मले व्यवसाय त राम्रै गरिरहेको छ नै, यसभन्दा राम्रो छ दर्शकको प्रतिक्रिया ।

जेठ १५ देखि देशव्यापी प्रदर्शनमा आएको ‘रोल नम्बर १’ बाल मनोविज्ञानमा आधारित फिल्म हो । यसमा मुख्य भूमिका निर्वाह गरेकी रेनु त्यसयता हल भिजिट गरिरहेकी छन् । आइतबार उनी पोखरा पुगेर त्यहाँका दर्शकको प्रतिक्रिया लिइन् ।