महिला खुला केन्द्रीय सदस्यमा पुरानै अनुहारको वर्चश्व, आरजूसहित तीनजनाको ‘न्यू इन्ट्री’ 

काठमाडौं । नेपाली कांग्रेसको १४ औँ महाधिवेशनअन्तर्गत महिला खुला केन्द्रीय सदस्यको निर्वाचनमा विजयी भएकामध्ये छ जना पुरानै अनुहार हुन् । तीन जनामात्र पहिलो पटक केन्द्रीय सदस्यमा विजयी भएका छन् ।

गत सोमबार सम्पन्न निर्वाचन अन्तर्गत आज राति सकिएको महिला खुलातर्फको मतगणना अनुसार तीन जना पहिलो पटक केन्द्रीय सदस्य बनेका हुन् । विजयीमध्ये सभापति शेरबहादुर देउवा पत्नी डा. आरजू राणा देउवा, सुशीला ढकाल आचार्य र रंगमती शाही पहिलो पटक केन्द्रीय सदस्य बनेका हुन् ।