लेखापरीक्षकसहित ११ जनाविरुद्ध भ्रष्टाचार मुद्दा दायर

काठमाडौँ । अख्तियार दुरुपयोग अनुसन्धान आयोगले सामुदायिक वनको रकम हिनामिना गरेको आरोपमा लेखापरीक्षकसहित ११ जनाविरुद्ध विशेष अदालत, काठमाडौंमा भ्रष्टाचार मुद्दा दायर गरेको छ।

आयोगका अनुसार सुर्खेतको चौकुने गाउँपालिका-१ स्थित मालिका सामुदायिक वन उपभोक्ता समूहका पदाधिकारीहरूले आर्थिक वर्ष २०७२-०७३ देखि २०७८/०७९ सम्म वनको आम्दानी रकम खर्च भएको देखाउन नक्कली बिल तथा विवरण तयार गरी अनियमितता गरेको आरोपमा अनुसन्धान गरिएको थियो।