उद्योगी प्रकाश मुण्दडाको निवासमा छापा मारिएकोप्रति आपत्ति

विराटनगर। नेपाल उद्योग परिसंघ (सीआइएन) कोशी प्रदेशले विराटनगरका प्रतिष्ठित व्यवसायी एवं औद्योगिक घराना देवराज ग्रुपका सञ्चालक प्रकाश मुण्दडाको निजी निवासमा प्रहरीले गरेको छापाप्रति आपत्ति जनाएको छ ।

परिसंघले साेमबार एक प्रेस विज्ञप्ति जारी गर्दै बिहानैदेखि ठुलो संख्यामा प्रहरी परिचालन गरी करिब साढे पाँच घण्टासम्म मुण्दडाको निवास र कार्यालयमा गरिएको खानतलासीको कडा शब्दमा भर्त्सना गरेको हो । मुण्दडा नेपाल उद्योग परिसंघ कोशी प्रदेशका वरिष्ठ उपाध्यक्ष समेत हुन् ।