आईटी क्षेत्रलाई विश्वस्तरमा प्रतिस्पर्धी बनाउन नीतिगत सुधार अपरिहार्य : कांग्रेस सभापति थापा

काठमाडौं । नेपाली कांग्रेसका सभापति गगनकुमार थापाले सूचना प्रविधि (आईटी) क्षेत्रलाई नेपालको आर्थिक रूपान्तरणको प्रमुख आधारका रूपमा अघि बढाउन नीतिगत सुधारसँगै प्रभावकारी कार्यान्वयन आवश्यक रहेको बताएका छन् ।

पार्टीको केन्द्रीय कार्यालय सानेपामा आइतबार आयोजित ‘डिजिटल इकोनोमी: स्थानीय रोजगार र पहुँच विश्वबजार’ विषयक अन्तर्क्रिया कार्यक्रममा बोल्दै थापाले विश्वबजारमा प्रतिस्पर्धा गर्न नेपालले ढिलो गर्न नहुने बताए ।