विन्डोज ११ मा नयाँ अपडेट : अब आफ्नै रोजाइअनुसार राइट-क्लिक मेनु मिलाउन सकिने

काठमाडौं । माइक्रोसफ्टले विन्डोज ११ को राइट-क्लिक मेनुलाई अझ छिटो, व्यवस्थित र प्रयोगकर्तामैत्री बनाउने तयारी गरेको छ । नयाँ सुधारपछि धेरै प्रयोग हुने विकल्पहरूलाई प्राथमिकता दिइनेछ भने अनावश्यक एक्सटेन्सनहरू एकैपटक लोड नहुने भएकाले मेनु छिटो खुल्ने अपेक्षा गरिएको छ ।

यससँगै माइक्रोसफ्टले राइट-क्लिक मेनुमा नयाँ कस्टमाइजेसन सुविधा पनि थप्ने तयारी गरेको छ । यो सुविधामार्फत प्रयोगकर्ताले मेनुमा कुन एप वा कमान्ड देखाउने, कुन लुकाउने तथा तिनको क्रमसमेत आफूअनुसार मिलाउन सक्नेछन् । मेनुको तल रहने "Customize" विकल्पमार्फत यी सेटिङहरू जुनसुकै बेला परिवर्तन गर्न सकिनेछ ।