शिक्षक सेवा आयोग अध्यक्षमा ६ र सदस्यमा २८ जनाको आवेदन स्वीकृत

काठमाडौँ- शिक्षक सेवा आयोगको अध्यक्ष तथा सदस्य पदमा नियुक्तिका लागि परेको आवेदनमध्ये योग्यता पुगेका उम्मेदवारहरूको दरखास्त स्वीकृत गरिएको छ।

शिक्षा तथा प्रविधि मन्त्रालयले सूचना प्रकाशित गर्दै साउन ९ गते प्रकाशित सूचनाअनुसार साउन २५ गतेसम्म दर्ता भएका आवेदनहरूको प्रारम्भिक छानबिनपछि शिक्षा ऐन, २०२८ को दफा ११ ग बमोजिम योग्य ठहरिएका उम्मेदवारहरूको आवेदन स्वीकृत गरिएको जनाएको हो। सिफारिस समितिको साउन २५ गतेको निर्णयअनुसार सूची सार्वजनिक गरिएको मन्त्रालयले उल्लेख गरेको छ।