ग्यास पाउन घण्टौँ लाइन, उपभोक्ता मञ्चले भन्यो- कृत्रिम अभाव गराइयो

काठमाडौँ- उपभोक्ता मञ्च नेपालले बजारमा खाना पकाउने एलपी ग्यासको कृत्रिम अभाव सिर्जना गरी कालोबजारी भइरहेको आरोप लगाउँदै दोषीमाथि तत्काल कडा कारबाही गर्न सरकारसँग माग गरेको छ।

सोमबार मञ्चका प्रवक्ता उज्वलराज गौतमले जारी गरेको विज्ञप्तिमा भारतबाट ग्यासको आयात, ढुवानी र आपूर्ति सामान्य अवस्थामै भइरहे पनि बजारमा ग्यास सहज रूपमा नपाइनु र सर्वसाधारण घण्टौँसम्म लाइनमा बस्न बाध्य हुनु कृत्रिम अभावको संकेत भएको उल्लेख गरिएको छ।