लिपमोटर बी०३एक्स नेपाल आइपुग्यो, छिट्टै औपचारिक लन्च हुँदै

अत्याधुनिक एवम् प्रिमियम इलेक्ट्रिकल एसयूभी लिपमोटर बी०३एक्स आधिकारिक रूपमा नेपाल आइपुगेको छ। नेपालका लागि लिपमोटरको एकमात्र आधिकारिक वितरक साग्रिला मोटर्सले यो बहप्रतीक्षित ईभीलाई छिट्टै एक विशेष कार्यकमका बीच औपचारिक रूपमा सार्वजनिक गर्ने जनाएको छ। 'इन्ट्रेलिजेन्ट अर्बन मोबिलिटी' को आधुनिक अवधारणामा आधारित यस एसयूभीको सार्वजनिक समारोहमा सहभागीहरूले पहिलोपटक प्रत्यक्ष अवलोकन गर्न पाउनेछन् भने कार्यक्रम सम्पन्न भएसँगै यसको बुकिङ खुला गरिनेछ।

नेपालका विविध सडक अवस्थालाई ध्यानमा राखी तयार पारिएको लिपमोटर बी०३एक्स ले दैनिक व्यावहारिक प्रयोग र उच्चस्तरीय प्रविधिलाई उत्कृष्ट रूपमा संयोजन गरेको छ। यस श्रेणीमै उत्कृष्ट १४५ किलोवाटको मोटर र ५३ किलोवाट आवर्सको ब्याट्री क्षमता रहेको यस एसयुभीले ५०५ किलोमिटरसम्मको प्रभावकारी रेन्ज प्रदान गर्छ।