लेनदेन मुद्दाकी फरार प्रतिवादी पक्राउ

१८ असोज, काठमाडौं । लेनदेन मुद्दाकी फरार प्रतिवादी पक्राउ परेकी छिन् । पक्राउ पर्नेमा काभ्रेको बनेपा नगरपालिका–८ घर भएकी ५० वर्षीया रत्नशोभा बज्राचार्य छिन् ।

उनलाई काठमाडौं उपत्यका अपराध अनुसन्धान कार्यालयको टोलीले ताहचलबाट पक्राउ गरेको हो । लेनदेन मुद्दामा काठमाडौं जिल्ला अदालतले १९ माघ २०७७ मा २ वर्ष कैद र २५ लाख ६७ हजार ७०७ बिगो तिराउने फैसला गरेको थियो ।