स्पेनमा घर भाडा र आवास सङ्कट : लाखौँ प्रदर्शनकारी सडकमा

म्याड्रिड । स्पेनमा आवास सङ्कट चर्किएपछि हजारौँ मानिस सडकमा उत्रिएका छन् । घरभाडा अत्यधिक बढेको, सर्वसाधारणले सस्तो आवास पाउन नसकेको र भाडामा बस्नेहरूलाई पर्याप्त कानुनी सुरक्षा नभएको भन्दै शनिबार देशभर प्रदर्शन भएका हुन् ।

बीबीसीका अनुसार म्याड्रिड, बार्सिलोना, भ्यालेन्सिया लगायतका सहरमा करिब ५० वटा प्रदर्शन तथा र्‍याली आयोजना गरिएका थिए । आयोजकहरूका अनुसार, राजधानी म्याड्रिडमा मात्रै ५ लाखभन्दा बढीले प्रदर्शन गरेका थिए । तर, सरकारी पक्षले भने ७० हजारको हाराहारीमा सहभागी भएको जनाएको छ ।