जनताको जीवनमा अपेक्षित परिवर्तन आएन, औसत राजनीतिको युग अन्त्य गरौँ– महामन्त्री घिमिरे

नेपाली कांग्रेसका महामन्त्री गुरुराज घिमिरेले सत्ता र शक्तिको नेतृत्वमा पालैपालो पुगेका कांग्रेस, एमाले र नेकपा जस्ता दलहरूले जनताको जीवनमा अपेक्षित परिवर्तन ल्याउन नसकेको स्वीकार गरेका छन् । उनले अब औसत राजनीतिको युग अन्त्य गर्नुपर्ने समेत बताए ।

खुलामञ्चमा जारी पार्टीको १५औँ महाधिवेशन उद्घाटन समारोहमा स्वागत मन्तव्य राख्दै उनले जनताको जीवनस्तर उकास्न, युवामा आशा भर्न र बालबालिकाको भविष्य उज्ज्वल बनाउन नसक्ने राजनीतिमाथि गम्भीर प्रश्न उठिरहेको बताए ।