विगतका कुरा जोडेर समाचार नबनाइदिन एलिना चौहानको आग्रह

काठमाडौं । गायिका एलिना चौहानले आफ्नो विगतका सम्बन्धलाई जोडेर बारम्बार समाचार तथा सामाजिक सञ्जालमा चर्चा नगर्न सञ्चारमाध्यमसँग आग्रह गरेकी छन्।

सामाजिक सञ्जालमार्फत आफ्नो धारणा सार्वजनिक गर्दै उनले आफू विगतबाट अघि बढिसकेको बताएकी छन्। पुराना सम्बन्ध र तस्बिरलाई वर्तमानसँग जोडेर समाचार बनाउँदा आफूलाई मानसिक रूपमा असहज हुने उनको भनाइ छ।