कांग्रेस महाधिवेशनमा गीत गाउँदै रेशम चौधरीले भने ‘धेरै भोट पाएर होला झ्यालखानामा छु’

काठमाडौं- नागरिक उन्मुक्ति पार्टीका संरक्षक रेशमलाल चौधरीले नेपाली कांग्रेसको १५ औँ महाधिवेशनको उद्घाटन सत्रलाई सम्बोधन गर्दै नेपालको राजनीतिक र न्यायिक प्रवृत्तिको तीखो आलोचना गरेका छन् । सम्बोधनका क्रममा उनले जनताबाट अत्यधिक मत पाएर लोकप्रिय बनेका जनप्रतिनिधिहरूलाई विभिन्न बहानामा कारागार पुर्‍याइने गरेको टिप्पणी गरे ।

सम्बोधनको क्रममा संरक्षक चौधरीले राष्ट्रिय स्वतन्त्र पार्टीका सभापति रवि लामिछाने कारागारमा रहँदा आफूले भैरहवा र नक्खु कारागारमा पुगेर भेटेको प्रसंग उल्लेख गरे । सोही भेटघाट र आफ्नै कारागार जीवनको भोगाइलाई जोड्दै उनले महाधिवेशनको मञ्चबाटै एउटा मार्मिक एवं व्यङ्ग्यात्मक गीत समेत गाएर सुनाए ।