रास्वपा धादिङको सभापतिमा राजन अर्याल निर्वाचित

धादिङ : राष्ट्रिय स्वतन्त्र पार्टी (रास्वपा) धादिङको प्रथम जिल्ला अधिवेशन भव्य रूपमा सम्पन्न भएको छ। अधिवेशनले राजन अर्यालको नेतृत्वमा नयाँ जिल्ला कार्यसमिति चयन गर्दै संगठनलाई नयाँ दिशा दिएकाे छ ।

पार्टीको आन्तरिक लोकतान्त्रिक अभ्यास अन्तर्गत भएको प्रतिस्पर्धात्मक निर्वाचनबाट ज्वालामुखी गाउँपालिका निवासी तथा रास्वपा बागमती प्रदेश कमिटी सदस्य राजन अर्याल जिल्ला सभापतिमा निर्वाचित भएका हुन्। उनले निवर्तमान जिल्ला सभापति सूर्यमणि पाठक र रामकुमार थपलियालाई पराजित गर्दै नेतृत्व आफ्नो पक्षमा पारेका हुन्।