कांग्रेस एकताका लागि जुनसुकै जिम्मेवारी लिन र त्याग गर्न तयार छु- शशांक कोइराला

नेपाली कांग्रेसका पूर्वमहामन्त्री डा. शशांक कोइरालाले पार्टीलाई एकताबद्ध बनाउनु अहिलेको आवश्यकता रहेको भन्दै कांग्रेस एकताका लागि आफू जुनसुकै जिम्मेवारी लिन र त्याग गर्न तयार रहेको बताएका छन् ।

असार १५ अर्थात् राष्ट्रिय धान दिवसका अवसरमा सोमबार महाराजगञ्जस्थित आफ्नै निवासमा आयोजित दही–चिउरा खाने तथा शुभकामना आदानप्रदान कार्यक्रममा उनले अहिले कांग्रेस विभाजित अवस्थाजस्तो देखिएकाले मुलुकको हितका लागि पार्टीलाई एकढिक्का बनाउनुको विकल्प नरहेको बताए ।