गुगल मेसेजमा स्मार्ट रिप्लाईका लागि आयो ट्याप टु ड्राफ्ट फिचर, अब झुक्किएर मेसेज जाने डर नहुने

काठमाडौं । गत मार्च महिनामा गरिएको परीक्षणपछि गुगल मेसेजले अब स्मार्ट रिप्लाईका लागि नयाँ ट्याप टु ड्राफ्ट (Tap to draft) फिचर रोलआउट गर्न सुरु गरेको छ । यो नयाँ तरिकाले प्रयोगकर्ताहरूलाई भुलबस वा झुक्किएर मेसेज पठाउनबाट जोगाउन सघाउने छ ।

यसअघि, मेसेज लेख्ने ठाउँ (compose field) को माथि देखिने स्मार्ट रिप्लाईका सुझावहरूमा ट्याप गर्नासाथ मेसेज तुरुन्तै जाने गर्थ्यो । कतिपय प्रयोगकर्ताहरूले झुक्किएर अनावश्यक मेसेज जाने डरले यो सुविधालाई पूर्ण रूपमा बन्द नै गर्ने वा बेवास्ता गर्ने गरेका थिए ।