ओली-नेपाल समूहका ६ नेताबीच बालुवाटार वार्ता सकारात्मक

नेकपा एमालेलाई विभाजन हुनबाट रोक्न केही दिनयता जारी वार्ताले निरन्तरता पाइरहेको छ। मंगलबारदेखि नयाँ शिराबाट जारी वार्ताले विस्तारै सकारात्मक मोड लिन थालेको छ।

शुक्रबार साँझ ६ बजेदेखि दुई घण्टासम्म ओली र नेपाल पक्षका ६ नेताबीचको वार्ताले सकारात्मक दिशा पक्रिएको हो। वार्तामा सहभागी एकजना नेताका अनुसार प्रधानमन्त्री केपी शर्मा ओलीको पक्षमा वैशाख २७ गते विश्वासको मत एकजुट भएर हाल्ने कुरामा सहमति नजिक पुगेको छ।