सूर्यदर्शन सहकारी प्रकरणमा ज्ञानबहादुर १० लाख धरौटीमा छुटे

पोखरा । पोखराको सूर्यदर्शन बचत तथा ऋण सहकारी ठगी प्रकरणमा सहकारीका पूर्वअध्यक्ष ज्ञानबहादुर बम्जनलाई कास्की जिल्ला अदालतले धरौटीमा रिहा गर्ने आदेश दिएको छ । आइतबार न्यायाधीश शंकरकुमार राईको इजलासले उनलाई १० लाख धरौटीमा रिहा गर्ने आदेश दिएको हो ।

गोविन्द अधिकारीसमेतको जोहरीले सहकारी ठगी, संगठित अपराध र सम्पत्ति शुद्धीकरण मुद्दामा ढोरपाटनका मेयर देवकुमारी नेपाली समेत ४४ जनालाई प्रतिवादी बनाइएको पूरक अभियोग गत वर्ष अदालतमा दायर भएको थियो । त्यसअघि, १८ असोज, २०८० मा १९ जनालाई प्रतिवादी बनाइएको थियो । जसमा कुल ६३ जना प्रतिवादी कायम छन् ।