टिभिएसले ल्याउँदै १६० सीसीको शक्तिशाली म्याक्सी स्कुटर, यस्ता छन् विशेषता

काठमाडौं । भारतीय दुईपाङ्ग्रे सवारी साधन उत्पादक कम्पनी टिभिएस मोटरले प्रिमियम स्कुटर बजारमा नयाँ १६० सीसीको म्याक्सी स्कुटर सार्वजनिक गर्ने तयारी गरेको छ।

कम्पनीले हाल बजारमा उपलब्ध एनटर्क सिरिजभन्दा माथिल्लो स्तरको र शक्तिशाली इन्जिनसहितको यो स्कुटर पूर्ण रूपमा नयाँ प्लेटफर्ममा विकास गरिरहेको हो। विशेषगरी साहसिक यात्रा र सहरको यात्रा दुवैका लागि उपयुक्त हुने गरी डिजाइन गरिएको यो स्कुटरले सार्वजनिक हुनुअघि नै बजारमा निकै चर्चा बटुलिरहेको छ।