बायर्न र मिलानको झिनो अन्तरको जित

पेरिस — बायर्न म्युनिक र एसी मिलानले मंगलबार युरोपेली च्याम्पियन्स लिग अन्तिम १६ को पहिलो लेगको खेलमा झिनो अन्तरको जित निकालेका छन् । बायर्नले पेरिस सेन्ट जर्मेन (पीएसजी) लाई उसकै घरमा १–० ले पराजित गरेको हो ।

सन् २०२० को फाइनलका पुनरावृत्तिका रूपमा भएको खेलमा किङ्सली कोमनले ५३ औं मिनेटमा निर्णायक गोल गरे । कोमनले नै तीन वर्ष अगाडिको फाइनलमा पनि निर्णायक गोल गरेका थिए ।