लिभरपुल इंग्लिस प्रिमियर लिगको शीर्ष स्थानमा

काठमाडौं । इंग्लिस प्रिमियर लिगअन्तर्गत शनिबारको खेलमा लिभरपुलले पाहुना टोली बोर्नमाउथविरुद्ध जित निकालेको छ । जितसँगै लिभरपुल १२ अंकसहित अंकतालिकाको शीर्ष स्थानमा उक्लिएको छ ।

घरेलु मैदान एनफिल्डमा भएको खेलमा लिभरपुलले बोर्नमाउथविरुद्ध ३–० को सहज जित निकाल्यो । लिभरपुलको जितमा लुइस डियाजले दुई तथा डार्विन नुएले एक गोल गरे।