युक्रेनविरुद्धको खेलमा फेरि ढले क्रिस्टियन इरिक्सन, स्वास्थ्य अवस्था स्थिर

डेनमार्कका स्टार मिडफिल्डर Christian Eriksen युक्रेनविरुद्धको अन्तर्राष्ट्रिय मैत्रीपूर्ण खेलका क्रममा मैदानमै ढलेपछि अस्पताल भर्ना गरिएका छन्। यद्यपि उनको स्वास्थ्य अवस्था स्थिर रहेको डेनमार्क फुटबल संघले जनाएको छ।

आइतबार राति ओडेन्सेमा भएको खेलको ६५औँ मिनेटमा इरिक्सनले छाती समात्दै मैदानमा लडेका थिए। त्यसलगत्तै चिकित्सकहरूको टोली मैदानमा पुगेको थियो भने खेल रोकिएको थियो। पछि खेल नै रद्द गरिएको थियो।