‘ठूला लगानीकर्ता भाग्दैछन्’ भन्ने हल्लाले बजार बिग्रिन्छ : सेयरधनी संघ

नेपाल सेयरधनी संघले आधारभूत सेयरधनीले ५ प्रतिशत वा सोभन्दा बढी सेयर बिक्री गर्नुअघि १५ दिन अगावै सार्वजनिक सूचना दिनुपर्ने व्यवस्थामा संशोधन गर्न नेपाल धितोपत्र बोर्ड (सेबोन)सँग माग गरेको छ।

संघले २०८३ असोज १८ गते जारी गरेको विज्ञप्तिमार्फत २०८३ भदौ ९ गते सेबोनले जारी गरेको पत्रको बुँदा नम्बर १ मा रहेको व्यवस्थाप्रति आफ्नो धारणा सार्वजनिक गरेको हो। उक्त व्यवस्थाअनुसार सूचीकृत कम्पनीका आधारभूत सेयरधनीले ५ प्रतिशत वा सोभन्दा बढी सेयर बिक्री गर्नुभन्दा १५ दिनअघि सार्वजनिक सूचना जारी गर्नुपर्ने व्यवस्था गरिएको छ।