डिजिटल प्लेटफर्ममार्फत् चुनावी प्रचार–प्रसारलागि सामाजिक सञ्जालको प्रयोग बढ्दो

प्रतिनिधि सभा तथा प्रदेश सभाको निर्वाचन आउन करिब एक महिना मात्र बाँकी छ । राजनीतिक दल तथा उम्मेदवारले प्रचार–प्रसार तीव्र पारेका छन् । तर विगतमा जस्तो पोस्टर पम्प्लेट र सभा–सम्मेलनभन्दा यस पटक प्रचार गर्न उम्मेदवारले सामाजिक सञ्जालको प्रयोग बढाएका छन् । आयोगले पनि मतदाता शिक्षाका लागि सामाजिक सञ्जालको प्रयोग गर्ने भएको छ ।

अहिले सामाजिक सञ्जाल निर्वाचनमय भएका छन् । हरेक जसोको फेसबुक, ट्वीटर, युट्युब अथवा टिकटकमा कुनै न कुनै उम्मेदवारको प्रचार सामग्री भेटिन्छन् । उम्मेदवारले आफ्ना एजेण्डा सामाजिक सञ्जालमार्फत् नै मतदातासमक्ष पुर्याइरहेका छन् । एकै पटक धेरै मानिससम्म पुग्न सकिने भएकाले उम्मेदवारले प्रचारका निम्ति यस्ता सञ्जालको प्रयोग गरेका हुन् ।