थाइल्याण्ड गोलीकाण्ड : आक्रमणकारीले आफ्नो परिवारसहित स्वयंलाई पनि गोली हाने

थाइल्याण्डको उत्तरपूर्वी प्रान्तमा रहेको बाल हेरचाह केन्द्रमा भएको गोलीकाण्डमा कम्तीमा ३४ जनाको मृत्यु भएको छ ।

मृत्यु हुनेमा २२ बालबालिका र १२ वयस्क थिए । राष्ट्रिय प्रहरी प्रवक्ता अचायोन क्राथोङका अनुसार घटना नोङ बुवा लम्फु प्रान्तमा भएको हो । मिडिया रिपोर्टमा भनिए अनुसार ३४ जनाको हत्यापछि आक्रमणकारीले आफ्नो बच्चा र श्रीमतीलाई पनि गोली हानेका थिए । त्यस लगतै उनले आफूलाई पनि गोली हानेको थियो । सबैको घटनास्थलमै मृत्यु भएको छ ।