खोइ संघीय गणतन्त्रको जग ?

खोइ संघीय लोकतान्त्रिक गणतन्त्रको जग ? अहिलेसम्म हामीले त्यही जग खडा गर्न सकेका छैनौं । बीपी कोइराला भन्नुहुन्थ्यो, ‘नेपाल एउटा प्रशासनिक इकाइ मात्र हो, यो राष्ट्र भइसकेको छैन ।’

बीपीको यो प्रश्नको विपक्षमा जवाफ दिन कोही तयार थिएनन् । स्पष्टतः सबैलाई यो प्रश्नको जवाफ थाहा थियो । तर, ती जो आजसम्म नेपालको हैसियत प्रशासनिक इकाइ मान्न तयार थिएनन्, ती अहिलेसम्म पनि कांग्रेस र कम्युनिस्ट दुवैतिरको सक्रिय राजनीतिको मोठमा दर्ता भएका छैनन् । कांग्रेस, कम्युनिस्ट र माओवादीको चरित्रमा आएको परिवर्तनलाई हेर्दा कहिलेकाहीं त यस्तो लाग्दछ, संघीय लोकतान्त्रिक गणतन्त्रको समेत निर्दलीय पञ्चायतीकरण भइसकेको छ ।