एन्फा निलम्बनले नेपाली फुटबलमा संकट

उत्तरी अमेरिकी राष्ट्रहरूमा फिफा विश्वकप आयोजनाले विश्वभरका समर्थक उत्सव मनाइरहँदा नेपाली फुटबलमा भने संकट सिर्जना भएको छ।

विश्व फुटबलको सर्वोच्च निकाय विश्व फुटबल महासंघ (फिफा) ले अखिल नेपाल फुटबल संघ (एन्फा) माथि निलम्बन गरेपछि नेपाली फुटबलको भविष्य अन्योलमा परेको छ। एन्फाले आफूमाथि निलम्बनको पत्र बिहीबार सार्वजनिक गरेपछि नेपाली फुटबलका खेलाडी, प्रशिक्षक, निर्णायक र समर्थकहरूमा निराशा छाएको छ।