बर्दिया अस्पतालमा भवन छ, आईसीयू छैनस जटिल बिरामीको भरोसा नेपालगन्ज

काठमाडौं – बर्दिया अस्पतालमा दैनिक करिब २५० जना बिरामी उपचारका लागि पुग्छन् । अस्पतालमा ५० शय्या छन्, भौतिक पूर्वाधार पनि छ । तर जब कुनै बिरामीको अवस्था गम्भीर हुन्छ, यही अस्पतालले उपचार गर्न सक्दैन । आवश्यक विशेषज्ञ चिकित्सक, स्वास्थ्यकर्मी र सघन उपचारकक्ष (आईसीयूं) अभावमा जटिल बिरामीलाई नेपालगन्ज वा कोहलपुरका अस्पतालमा पठाउनुपर्ने अवस्था छ ।

मधुवन नगरपालिका–४ का मस्तराम चौधरीका बुबालाई गत भदौ १७ गते रक्तचाप कम भएपछि बर्दिया अस्पताल ल्याइयो। शरीरमा अक्सिजनको मात्रा कम भएकाले उनलाई आईसीयूमा राखेर उपचार गर्नुपर्ने भयो। तर अस्पतालमा आईसीयू थिएन। चिकित्सकले थप उपचारका लागि भेरी अस्पताल नेपालगन्ज रेफर गरे ।