सलमानजस्तै देखिने सुफयान को हुन् ? बलिउडमा बढ्यो चर्चा

बलिउडमा कलाकारका सन्तान चर्चामा आउनु सामान्यजस्तै हो। कसैले अभिनयमा डेब्यु गरेर चर्चा बटुल्छन्, कसैले आफ्नो स्टाइलका कारण। तर अहिले एक युवा भने कुनै फिल्म वा अभिनयका कारण होइन, बलिउडका सुपरस्टार सलमान खानसँग मिल्ने अनुहारका कारण सामाजिक सञ्जालमा चर्चाको केन्द्रमा पुगेका छन्। उनी हुन् चर्चित फिल्म निर्माता साजिद नाडियाडवाला र वर्धा खान नाडियाडवालाका कान्छा छोरा सुफयान नाडियाडवाला।

सुफयानका पछिल्ला तस्बिर तथा भिडियो सामाजिक सञ्जालमा सार्वजनिक भएपछि प्रयोगकर्ताको ध्यान उनको अनुहारमा अडिएको छ। धेरैले उनको अनुहारको बनोट, हेयरस्टाइल, शरीरको संरचना र समग्र हाउभाउलाई सलमान खानको युवावस्थासँग तुलना गरेका छन्। कतिपयले त उनलाई सिधै ‘सलमान खानको यङ्गर भर्जन’ भन्न थालेका छन्।