गगनलाई अमरेशको जवाफ – पार्टी ठग, भ्रष्टाचारी र ठेकेदारको हातमा सुम्पिएपछि कांग्रेस छाडेका हौं

काठमाडौं। राष्ट्रिय स्वतन्त्र पार्टी (रास्वपा)का सासंद् डा. अमरेशकुमार सिंहले पार्टीको जिम्मेवारी ठग, भ्रष्टाचारी र ठेकेदारको हातमा सुम्पिएपछि नेताहरू नेपाली कांग्रेस छाडेर बाहिरिन बाध्य भएको बताएका छन्।

सोमबार सामाजिक सञ्जाल फेसबुकमा स्टाटस लेख्दै सिंहले कांग्रेसका सभापति गगनकुमार थापालाई सम्बोधन गर्दै पार्टी छाडेर जानेहरू यत्तिकै बाहिरिएका नभएको दाबी गरेका हुन्।