त्रिअभिनेत्री सम्मानित

नेपाली फिल्मको पहिलो अध्यायको स्मरण गर्दै राष्ट्रिय चलचित्र दिवसका अवसरमा नेपाल चलचित्र कलाकार संघले आमा फिल्मलाई केन्द्रमा राखेर हालै विशेष कार्यक्रम आयोजना गरेको छ।

कार्यक्रममा पहिलो नेपाली फिल्म आमाका त्रिअभिनेत्री भुवन चन्द थापा, चैत्यदेवी सिंह र वसुन्धरा भुसाल एकै ठाउँमा जम्मा भएका थिए। कार्यक्रममा आमासंग जोडिएको नेपाली फिल्मको प्रारम्भिक यात्रादेखि पहिलो पुस्ताका कलाकार तथा प्राविधिकले सीमित स्रोतसाधनका बीच गरेको योगदानसम्मका विषयमा चर्चा गरियो।