नेसन्स लिग फुटबल : इजरायलविरुद्ध आयरिस खेलाडीको विरोधको शैली चर्चामा

नेसन्स लिग फुटबल खेलमा आयरल्यान्डका खेलाडीले गाजामा इजरायलको कारबाहीको विरोध गर्दै फेरि पाखुरामा कालो पट्टी बाँधेर विरोध जनाएका छन्।

आइतबार सर्बियाको बाक टोपालामा भएको खेलअघि इजरायली राष्ट्रिय गान बज्दा आयरिस खेलाडीले टाउको निहुराएका थिए। खेल १-१ को बराबरीमा सकियो। इजरायली खेलाडीले भने सन् २०२३ अक्टोबर ७ मा हमासको नेतृत्वमा भएको आक्रमणमा मारिएकाहरूको सम्झनामा कालो पट्टी लगाएका थिए। इजरायलका कप्तान डोर पेरेट्जको पट्टीमा ‘७.१०’ लेखिएको थियो।