‘द स्कुल ब्याग’ : आमा-छोराको न्यानो माया र आतंकवादको त्रासदी

१६ डिसेम्बर २०१४ को बिहान, तहरीक-ए-तालिबान पाकिस्तान (टीटीपी) सँग आबद्ध सात अत्याधुनिक हतियारधारी उग्रवादीहरू पाकिस्तानको पेसावरस्थित ‘आर्मी पब्लिक स्कुल’ को पर्खाल नाघेर भित्र पसेका थिए।

बन्दुकधारीहरू सुरुमा विद्यालयको मुख्य अडिटोरियममा प्रवेश गरे । त्यहाँ विद्यार्थीहरूको ठूलो समूह प्राथमिक उपचारसम्बन्धी तालिम लिइरहेको थियो । उनीहरूले अन्धाधुन्ध गोली चलाउन थाले । त्यसपछि उनीहरू स्कुलका कोठा–कोठा घुम्दै आठ घण्टासम्म चलेको घेराबन्दीका क्रममा विद्यार्थी र शिक्षकहरूलाई योजनाबद्ध रूपमा गोली हान्दै गए।