भक्तपुरको प्लास्टिक दाना कारखानामा भीषण आगलागी, ४० लाखभन्दा बढीको क्षति

भक्तपुर। भक्तपुरको सूर्यविनायक नगरपालिका-८ जगातीस्थित कँपलिचोकमा सञ्चालित एक प्लास्टिक दाना बनाउने कारखानामा आज बिहान भीषण आगलागी भएको छ। नवराज भट्टले सञ्चालन गर्दै आएको ‘विके सप्लायर्स’ मा अकस्मात् आगलागी भएको हो।

आगलागीको खबर पाउनासाथ पुगेको जुद्ध बारुण यन्त्र भक्तपुरको दमकल र स्थानीयवासीको संयुक्त प्रयासमा करिब दुई घण्टापछि आगो नियन्त्रणमा लिइएको छ। जुद्ध बारुण यन्त्र कार्यालय भक्तपुरका प्रमुख विजय धौभडेलका अनुसार आगलागीबाट उद्योगमा ठूलो परिमाणको क्षति पुगेको छ।