स्वास्थ्य बीमा भुक्तानीमा तीव्रता, एक सातामै १ अर्ब ३ करोड रुपैयाँ निकासा

काठमाडौं– स्रोत अभावका कारण अघिल्ला वर्षहरूमा समस्याग्रस्त बनेको स्वास्थ्य बीमा कार्यक्रमको भुक्तानी प्रक्रिया अहिले सहज बन्दै गएको छ। सरकारले स्वास्थ्य बिमाबापतको बक्यौता रकम भुक्तानीलाई तीव्रता दिएपछि स्वास्थ्य संस्थाहरूले लामो समयदेखि रोकिएको रकम प्राप्त गर्न थालेका छन्।

पछिल्लो एक सातामात्र सरकारले स्वास्थ्य बीमाबापत १ अर्ब ३ करोड रुपैयाँ सम्बन्धित स्वास्थ्य संस्थाहरूको खातामा पठाएको छ। उक्त रकमबाट १५५ सरकारी, २५ सामुदायिक र ३७ निजी अस्पताल लाभान्वित भएका छन्।