अर्जेन्टिना अन्तिम आठमा, सेमिफाइनल पुग्न नेदरल्यान्ड्ससँग भिड्ने

काठमाडौँ । अर्जेन्टिना विश्वकप फुटबलको क्वाटरफाइनलमा पुगेको छ । गएराती सम्पन्न राउण्ड १६ को खेलमा अस्ट्रेलियालाई २-१ गोल अन्तरले पराजित गर्दै अर्जेन्टिना क्वाटरफाइनलमा पुगेको हो ।

अर्जेन्टिनाको जितमा लियोनेल मेसी र जुलियन अल्भारेजले एक एक गोल गरेका थिए । खेलको ३५औँ मिनेटमा मेसीले गोल गर्दै अर्जेन्टिनालाई शुरुवाती अग्रता दिलाएका थिए भने खेलको ५७औँ मिनेटमा अल्भारेजले गोल गर्दै अर्जेन्टिनाको अग्रता दोब्बर पारेका थिए ।