२०औँ एसियाडको भव्य समापन, २१औँ संस्करण कतारमा हुने

कविरस शर्मा, (नागोया)

सूर्योदयको देशबाट परिचित जापानको नागोयास्थित ऐतिहासिक मिजुहो पार्क एथ्लेटिक स्टेडियम आइतबार साँझ एक स्वर्णिम र भावुक क्षणको साक्षी बन्यो । १६ दिनसम्म एसियाली खेलकुदका ताराहरू, विश्व कीर्तिमानधारी धावकहरू र नवोदित प्रतिभाका आँसु र मुस्कानलाई एउटै प्राङ्गणमा गाँसेको एसियाकै सबैभन्दा ठूलो बहु–खेलकुद महोत्सव २०औँ एसियाली खेलकुद (आइची–नागोया २०२६) अन्ततः आफ्ना अनगिन्ती अविस्मरणीय यादहरू छोड्दै औपचारिक रूपमा सम्पन्न भएको छ । ओलम्पिक काउन्सिल अफ एसिया (ओसीए) का अध्यक्ष शेख जोआन बिन हमाद अल थानीले जब रङ्गशालामा भरिभराऊ हजारौँ दर्शकमाझ १६ दिने खेलकुद कुम्भमेला समापनको औपचारिक घोषणा गरे, तब सारा रङ्गशाला एकसाथ जापानी संस्कृति, आधुनिक एक्रोब्याटिक्स र गगनचुम्बी आतिसबाजीको उज्यालोमा झिलिमिली भयो ।